საზღვარგარეთ დასაქმებულთა მიერ საქართველოში გადმორიცხული თანხები 2022 წლის მაისში 2021 წლის მაისთან შედარებით 318 მლნ დოლარით, 169%-ით გაიზარდა. მაისში სულ 506 მლნ დოლარი გადმოირიცხა, რაც ერთი თვის განმავლობაში საქართველოში გადმორიცხული თანხის რეკორდია. აქამდე ყველაზე მეტი თანხა 2022 წლის აპრილში იყო გადმორიცხული - 308 მლნ დოლარი.
იანვარ-მაისში, ჯამში, 1,359 მლნ დოლარი გადმოირიცხა, რაც 2021 წლის იანვარ-მაისის მაჩვენებელზე 54%-ით (478 მლნ დოლარით) მეტია.
მაისში საზღვარგარეთიდან ფულადი გზავნილების ზრდა ყველაზე მეტად რუსეთიდან ჩამორიცხვებმა განაპირობა, საიდანაც 314 მლნ დოლარი შემოვიდა, რაც 2021 წლის მაისის მაჩვენებელზე 9-ჯერ მეტია. ასევე, ყაზახეთიდან გაიზარდა 18 მლნ დოლარით, იტალიიდან 5 მლნ დოლარით.
მნიშვნელოვნად შემცირდა გზავნილები უკრაინიდან, 2021 წლის მაისში 7.7 მლნ დოლარი გადმოირიცხა, მიმდინარე წლის მაისში კი მხოლოდ 57 ათასი დოლარი.
მაისში საქართველოდან საზღვარგარეთ 29 მლნ დოლარი გადაირიცხა, რაც 6 მლნ დოლარით მეტია 2021 წლის მაისის მაჩვენებელზე.
ქვეყნები, საიდანაც მაისში ფულადი გზავნილები ყველაზე მეტად გაიზარდა, მლნ დოლარი
|
ქვეყანა |
მაისი-2021 | მაისი-2022 | ზრდა |
|
რუსეთი |
32 | 314 |
282 |
|
ყაზახეთი |
3 | 21 | 18 |
|
იტალია |
32 | 37 | 5 |
|
ყირგიზეთი |
1 | 6 |
4 |
|
გერმანია |
9 | 13 |
4 |
|
აშშ |
24 | 28 |
4 |
|
ისრაელი |
15 | 16 |
1 |
|
ტაჯიკეთი |
1 | 2 |
1 |