გასული თვის დასაწყისში, ილონ მასკი პირველი ადამიანი გახდა, რომლის ქონების ღირებულებამაც $500-მილიარდიან ნიშნულს გადააჭარბა. თუმცა პირველი ნოემბრის მონაცემებით, მასკი, რომელიც კვლავ Forbes-ის მილიარდერთა რეიტინგის სათავეშია, მცირედით ნაკლებს, $497 მილიარდს ფლობს - პირველ ოქტომბერთან შედარებით $6 მილიარდით მეტს.
Forbes-ის მონაცემებით, 2025 წლის პირველი ნოემბრის შედეგებით, $320 მილიარდით მსოფლიოს მეორე უმდიდრესი ადამიანი კვლავ Oracle-ის თანადამფუძნებელი ლარი ელისონია. ელისონი მეორე პოზიციას ინარჩუნებს იმის მიუხედავადაც, რომ გასულ თვესთან შედარებით მისი სიმდიდრე დაახლოებით $22 მილიარდითაა შემცირებული. აღნიშნული ვარდნა Oracle-ის აქციების ღირებულების 7%-ით კლებას მოჰყვა, ამის საპირისპიროდ კი, ოქტომბრის თვეში მასკის Tesla-ს აქციების ღირებულება 3%-ით გაიზარდა.
თუმცა, ოქტომბრის თვეში ყველაზე დიდი დანაკარგი Meta-ს აღმასრულებელმა დირექტორმა, მარკ ცუკერბერგმა დააფიქსირა. ამერიკელი ბიზნესმენის ქონება $29 მილიარდით, $223 მილიარდამდე შემცირდა. ცუკერბერგის ფინანსური დანაკარგები კომპანიის აქციების ღირებულების 12%-ით ვარდნამ გამოიწვია, ეს კლება კი საკმარისი აღმოჩნდა იმისათვის, რომ ცუკერბერგს, Forbes-ის მილიარდერთა რეიტინგში, ერთი თვის ინტერვალით, მესამიდან მეხუთე პოზიციაზე გადაენაცვლა. შედეგად, Amazon-ის თანადამფუძნებელმა ჯეფ ბეზოსმა, აპრილის შემდეგ, Forbes-ის რეიტინგში ცუკერბერგს პირველად გადაუსწრო. ოქტომბერში საცალო გიგანტის აქციების ღირებულება 11%-ით გაიზარდა, რასაც ბეზოსის სიმდიდრის $22-მილიარდიანი მატება მოჰყვა.
ოქტომბერში, როდესაც S&P 500-ის საფონდო ინდექსი 2%-ით გაიზარდა, ყველაზე დიდი მოგება Google-ის თანადამფუძნებლებმა ლარი პეიჯმა და სერგეი ბრინმა ნახეს. მათი ქონება, შესაბამისად, $30 მილიარდითა და $28 მილიარდით გაიზარდა. აღსანიშნავია, რომ დეკემბრის შემდეგ ათეულში პირველად მოხვდა მაიკლ დელიც, რაც ოქტომბერში Dell Technologies-ისა და Broadcom-ის აქციების ღირებულების, შესაბამისად, 14%-ით და 12%-ით გაზრდის დამსახურებაა. ამან დელის სიმდიდრე $14 მილიარდით გაზარდა.
ცნობისთვის, ილონ მასკი მსოფლიოს უმდიდრესი ადამიანის ტიტულს 2024 წლის მაისიდან ინარჩუნებს. ხოლო ლარი ელისონი, ზედიზედ უკვე მეხუთე თვეა, Forbes-ის რეიტინგის მეორე პოზიციაზეა. ათეულის ერთადერთი არაამერიკელი წევრი კვლავ LVMH-ს თავმჯდომარე, ფრანგი ბერნარ არნოა.
მსოფლიოს 10 უმდიდრესი ადამიანი 2025 წლის 1-ელი ნოემბრის მდგომარეობით
#1 ილონ მასკი
ქონება: $497 მლრდ
წყარო: Tesla, SpaceX, xAI, X
ასაკი: 54
საცხოვრებელი ადგილი: ოსტინი, ტეხასი
მოქალაქეობა: აშშ
#2 ლარი ელისონი ქონება: $320 მლრდ წყარო: Oracle ასაკი: 81 საცხოვრებელი ადგილი: ვუდსაიდი, კალიფორნია მოქალაქეობა: აშშ
#3 ჯეფ ბეზოსი ქონება: $254 მლრდ წყარო: Amazon ასაკი: 61 საცხოვრებელი ადგილი: მაიამი, ფლორიდა მოქალაქეობა: აშშ
#4 ლარი პეიჯი ქონება: $232 მლრდ წყარო: Google ასაკი: 52 საცხოვრებელი ადგილი: პალო-ალტო, კალიფორნია მოქალაქეობა: აშშ
:max_bytes(150000):strip_icc():focal(734x359:736x361)/larry-page-232d495f39b4483fa35e46da226c5e9f.jpg)
#5 მარკ ცუკერბერგი ქონება: $223 მლრდ წყარო: Meta (Facebook) ასაკი: 41 საცხოვრებელი ადგილი: პალო-ალტო, კალიფორნია მოქალაქეობა: აშშ
#6 სერგეი ბრინი ქონება: $215 მლრდ წყარო: Google ასაკი: 52 საცხოვრებელი ადგილი: ლოს-ალტოსი, კალიფორნია მოქალაქეობა: აშშ
#7 ბერნარ არნო ქონება: $183 მლრდ წყარო: LVMH ასაკი: 76 საცხოვრებელი ადგილი: პარიზი მოქალაქეობა: საფრანგეთი
#8 ჯენსენ ჰუანგი ქონება: $176 მლრდ წყარო: Nvidia, ნახევარგამტარები ასაკი: 62 საცხოვრებელი ადგილი: ლოს-ალტოსი, კალიფორნია მოქალაქეობა: აშშ
#9 სტივ ბალმერი ქონება: $156 მლრდ წყარო: Microsoft, LA Clippers, ინვესტიციები ასაკი: 69 საცხოვრებელი ადგილი: ჰანტს-პოინტი, ვაშინგტონი მოქალაქეობა: აშშ
#10 მაიკლ დელი ქონება: $155 მლრდ წყარო: Dell Technologies ასაკი: 60 საცხოვრებელი ადგილი: ოსტინი, ტეხასი მოქალაქეობა: აშშ
