ფოტო: REUTERS/Athit Perawongmetha
კომპანიების ხელთ არსებული ნაღდი ფული და მოკლევადიანი ინვესტიციები მათი ფინანსური სიძლიერის ერთ-ერთი მთავარი ინდიკატორია. ეს რესურსი გამოიყენება თანამშრომლების ანაზღაურებისთვის, ოპერაციების დაფინანსებისთვის, ინვესტიციებისა და შერწყმა-შესყიდვებისთვის, ასევე ეკონომიკურ შოკებთან გასამკლავებლად.
TradingView-ის მონაცემებზე დაყრდნობით, Visual Capitalist-მა შეადგინა კომპანიების რეიტინგი, რომლებიც მსოფლიოში ყველაზე დიდ ნაღდი ფულის რეზერვებს ფლობენ. მაჩვენებელი ნაღდ ფულთან ერთად, მაღალლიკვიდურ, მოკლევადიან ფასიან ქაღალდებს მოიცავს. რეიტინგში სულ 50 კომპანიაა.
ჩამონათვალში 382 მილიარდი დოლარით უორენ ბაფეტის Berkshire Hathaway ლიდერობს. კომპანიის ნაღდი ფულის რეზერვი კონკურენტებისას მნიშვნელოვნად აღემატება. მეორე ადგილზეა CITIC Limited-ი ($171.5 მლრდ), ხოლო მესამეზე - Daiwa Securities Group-ი ($131.4 მლრდ). ტოპ-ხუთეულს კი ავსებენ ტექნოლოგიური გიგანტები: Alphabet-ი ($126.8 მლრდ) და Amazon-ი ($126.3 მლრდ).
აღსანიშნავია, რომ ტოპ-50 კომპანიას შორის, ფინანსური სექტორი ერთობლივად ყველაზე დიდ ნაღდი ფულის რეზერვებს ფლობს, კერძოდ, 1.2 ტრილიონ დოლარს. ეს ნაწილობრივ განპირობებულია მარეგულირებლების მიერ შემუშავებული წესებით, რომლებიც ბანკებს დიდი ლიკვიდური ბუფერების შენარჩუნებას ავალდებულებს.
დიდი მოცულობით ნაღდი ფულის რეზერვები აქვთ ასევე „შესანიშნავი შვიდეულის“ კომპანიები: Alphabet-ი, Amazon-ი, Meta, Microsoft-ი, Apple-ი, Nvidia და Tesla. ისინი ჯამურად 597 მილიარდი დოლარის ნაღდ ფულს ფლობენ, რაც S&P 500-ის კომპანიების უმეტესობის შესაძენად არის საკმარისი.
ტრადიციულად, დიდი ტექნოლოგიური კომპანიები მაღალი მარჟებითა და მასშტაბირებადი ბიზნესმოდელით გამოირჩევიან, რაც შემოსავლების ნაღდ ფულად სწრაფად კონვერტაციას უზრუნველყოფს. მიუხედავად იმისა, რომ ისინი აქტიურად ინვესტირებენ ხელოვნური ინტელექტის ინფრასტრუქტურაში, კაპიტალური ხარჯების დასაფინანსებლად ხშირად ვალს მიმართავენ და ნაღდი ფულის რეზერვების შემცირებაზე უარს ამბობენ.
ნაღდი ფულის დიდი მარაგი მათ საშუალებას აძლევს, განახორციელონ სტრატეგიული შესყიდვები და გეოპოლიტიკური რისკებისა თუ სავაჭრო ტარიფების ზრდისგან თავი დაიზღვიონ.
მსოფლიოს 50 კომპანია ყველაზე დიდი ნაღდი ფულის რეზერვებით:
| ადგილი | კომპანია | ფულადი რეზერვები და მოკლევადიანი ინვესტიციები ($ მლრდ) |
|---|---|---|
| 1 | Berkshire Hathaway | 381.7 |
| 2 | CITIC Limited | 171.5 |
| 3 | Daiwa Securities Group | 131.4 |
| 4 | Alphabet | 126.8 |
| 5 | Amazon | 126.3 |
| 6 | Taiwan Semiconductor Manufacturing | 97.8 |
| 7 | Interactive Brokers Group | 93.4 |
| 8 | Microsoft | 89.5 |
| 9 | Charles Schwab | 88.9 |
| 10 | Meta Platforms | 82.4 |
| 11 | Volkswagen | 76.9 |
| 12 | PDD Holdings | 69.5 |
| 13 | Apple | 66.9 |
| 14 | NVIDIA | 60.6 |
| 15 | Tencent | 59.2 |
| 16 | Alibaba Group Holding | 58.2 |
| 17 | Saudi Aramco | 56.0 |
| 18 | Contemporary Amperex Technology | 51.6 |
| 19 | Toyota Motor | 50.5 |
| 20 | SBI Holdings | 50.0 |
| 21 | China State Construction Engineering | 48.5 |
| 22 | American Express | 47.8 |
| 23 | SoftBank Group | 45.8 |
| 24 | Tesla | 44.5 |
| 25 | China Mobile | 43.8 |
| 26 | Daou Technology | 43.7 |
| 27 | Hon Hai Precision Industry | 42.5 |
| 28 | CNPC Capital | 41.9 |
| 29 | Japan Securities Finance | 41.0 |
| 30 | PetroChina | 40.7 |
| 31 | Hong Kong Exchanges & Clearing | 39.4 |
| 32 | Fannie Mae | 39.4 |
| 33 | Stellantis | 38.7 |
| 34 | Ford Motor | 38.5 |
| 35 | International Holding Company | 37.6 |
| 36 | Intel | 37.4 |
| 37 | BP | 36.8 |
| 38 | Rakuten Group | 36.0 |
| 39 | CNOOC | 35.8 |
| 40 | Nomura Holdings | 35.7 |
| 41 | SAIC Motor | 35.1 |
| 42 | Honda Motor | 30.9 |
| 43 | Deutsche Boerse | 30.6 |
| 44 | General Motors | 30.6 |
| 45 | Shell | 30.3 |
| 46 | JD.com | 29.6 |
| 47 | Boeing | 29.4 |
| 48 | China Railway Group | 28.6 |
| 49 | TotalEnergies | 28.3 |
| 50 | Daou Data | 26.8 |