მოცემული დროისთვის მსოფლიოში ნავთობის უმსხვილესი მწარმოებლის სტატუსი ამერიკის შეერთებულ შტატებს ეკუთვნის. 2024 წელს მისი დღიური მოპოვება თითქმის 23 მილიონ ბარელს აღწევდა, რაც გლობალური წარმოების დაახლოებით 22%-ს შეადგენს. თუმცა, აღსანიშნავია, რომ ნავთობის ინდუსტრიის ყველაზე დიდი მოთამაშე ამერიკული კომპანია არ არის. ლიდერის პოზიცია Saudi Aramco-ს ეკუთვნის, საუდის არაბეთის სახელმწიფო ნავთობგიგანტს.
Saudi Aramco სექტორში ყველაზე მაღალი საბაზრო კაპიტალიზაციითაც გამოირჩევა - 1.5 ტრილიონ დოლარზე მეტი. ამ შეფასებით ის მნიშვნელოვნად უსწრებს უახლოეს კონკურენტს, ამერიკულ გიგანტ ExxonMobil-ს, რომლის ღირებულება 457 მილიარდ დოლარს შეადგენს. Aramco საუდის არაბეთის ნავთობის რესურსების დიდ ნაწილს აკონტროლებს და მართავს გავარს, პლანეტის უდიდეს ნავთობსაბადოს.
CompaniesMarketCap-ის მიერ შეგროვებული მონაცემების თანახმად, მსოფლიოს ათი უდიდესი ნავთობკომპანიიდან სამი აშშ-ში მდებარეობს (ExxonMobil, Chevron და ConocoPhillips). რეიტინგში ასევე შედის სამი ჩინური ფირმა (PetroChina, CNOOC და Sinopec) და ორი ბრიტანული კომპანია (Shell და BP).
ნავთობისა და გაზის მწარმოებელი ტოპ-10 კომპანია, საბაზრო კაპიტალიზაციის მიხედვით:
| კომპანია | ქვეყანა | *საბაზრო კაპიტალიზაცია (მლრდ, $) |
|---|---|---|
| Saudi Aramco | საუდის არაბეთი | 1,565 |
| ExxonMobil | აშშ | 457 |
| Chevron | აშშ | 311 |
| PetroChina | ჩინეთი | 218 |
| Shell | დიდი ბრიტანეთი | 211 |
| TotalEnergies | საფრანგეთი | 132 |
| ConocoPhillips | აშშ | 118 |
| CNOOC | ჩინეთი | 117 |
| Sinopec | ჩინეთი | 90 |
| BP | დიდი ბრიტანეთი | 87 |
*2025 წლის 6 აგვისტოს მდგომარეობით.