პირველ კვარტალში საქართველოში ეკონომიკურმა ზრდამ 5,1% შეადგინა. მაისში ეკონომიკა 5,3%-ით გაიზარდა, ხოლო 5 თვის საშუალო ზრდამ 4,5% შეადგინა.
პირველ კვარტალში, თურქეთის ეკონომიკა 5%-ით გაიზარდა. სომხეთში კი მაისში ეკონომიკურმა ზრდამ 8,9% შეადგინა, ყაზახეთში 7,4%; რუსეთში 5,6%. მაისში აზერბაიჯანის ეკონომიკური ზრდა 0,9%-მდე შემცირდა.
ივნისში საქართველოში ინფლაციის დონემ წინა თვესთან შედარებით -0,4 პროცენტი, ხოლო წლიური ინფლაციის დონემ 7,1 პროცენტი შეადგინა.
საქათველოს ეროვნული ბანკის მონაცემებით, მაისში წლიური ინფლაცია საქართველოში დაფიქსირებულ 6.6 %-ზე მაღალი იყო აზერბაიჯანში - 14.8%, უკრაინაში - 13.5%, თურქეთში - 11.7%. საქართველოზე დაბალი ინფლაცია დაფიქსირდა რუსეთში - 4.1% და სომხეთში 1.6%.
წლის დასაწყისიდან დღემდე, ლარი დოლარის მიმართ, 0,26 პუნქტით გამყარდა, - წლის დასაწყისში ერთი დოლარის ღირებულება 2,65 ლარი იყო, დღეს კი ეს მაჩვენებელი 2,39 ლარია. მაისში დოლარის მიმართ ოფიციალური გაცვლითი კურსი 2.4416-დან 2.4274- მდე შეიცვალა, - ანუ გამყარდა 0.6 პროცენტით.
იანვარ-მაისში რეგიონის ქვეყნების ვალუტების ცვლილება დოლარის მიმართ შემდეგი იყო:
ყაზახეთი - გამყარდა 5,1%-ით; სომხეთი - გამყარდა 0,4%-ით; რუსეთი - 4,1%-ით.
