რომელი ქვეყნები გამოიმუშავებენ ყველაზე მეტ მზის ენერგიას?

2023 წელს მსოფლიოში ელექტროენერგიის გამომუშავება 2.5%-ით გაიზარდა და რეკორდულ მაჩვენებელს, 29,925 ტერავატ/საათს მიაღწია.

Energy Institute-ის თანახმად, ენერგეტიკული ტრანზიციის პარალელურად, ერთ წელიწადში ელექტროენერგიის გამომუშავებაში განახლებადი ენერგიის წილიც 29%-დან 30%-მდე გაიზარდა.

ქარისა და მზის სადგურების დადგმული სიმძლავრე 2023 წელს 67%-ით გაიზარდა, წინა წლის რეკორდს 186 გიგავატით გადააჭარბა და 462 გიგავატს მიაღწია. უშუალოდ მზის ენერგიის გამომუშავების ზრდამ 2023-ში 24.2% შეადგინა და 1,641 ტერავატ/საათს მიაღწია.

მზის ენერგიის გენერაციით პირველ ადგილზე ჩინეთია და მასზე მთლიანი მოცულობის 36% მოდის, მეორე ადგილს აშშ იკავებს 14.6%-ით, მესამეს კი ინდოეთი 7%-იანი მაჩვენებლით.

აღსანიშნავია, რომ ელექტროენერგიის გამომუშავებაში ყველაზე დიდი წილი, 60%, კვლავ წიაღისეულ საწვავზე მოდის, ბირთვულ ენერგიაზე კი 9.1%.

ქვეყნების ჩამონათვალი, რომლებმაც 2023 წელს მზის დახმარებით ყველაზე მეტი ელექტროენერგია გამოიმუშავეს:

	ქვეყანა	ტერავატ/საათი	წლიური ცვლილება (%)
1	?? ჩინეთი	584.2	+37%
2	?? აშშ	238.1	+16%
3	?? ინდოეთი	113.4	+19%
4	?? იაპონია	109.4	+7%
5	?? გერმანია	61.6	+1%
6	?? ბრაზილია	51.7	+72%
7	?? ავსტრალია	46.9	+21%
8	?? ესპანეთი	45.1	+26%
9	?? იტალია	31	+10%
10	?? სამხრეთ კორეა	29.4	+9%
11	?? ვიეტნამი	25.5	-3%
12	?? საფრანგეთი	23.3	+18%
13	?? მექსიკა	21.2	+10%
14	?? ნიდერლანდები	21.2	+24%
15	?? თურქეთი	18.4	+21%

წყარო: Energy Institute