საქართველოს ავიაბაზარზე ნიდერლანდების დაბალბიუჯეტური ავიაკომპანია Transavia შემოდის. ამის შესახებ ინფორმაცია საქართველოს აეროპორტების გაერთიანებამ გაავრცელა.
„საქართველოს აეროპორტების გაერთიანებამ 2023 წელს ავიაკომპანიასთან დაწყებული აქტიური მოლაპარაკებების პროცესი წარმატებით დაასრულა“, - ნათქვამია განცხადებაში.
როგორც ირკვევა, Transavia საქართველოსა და ნიდერლანდებს შორის ფრენას 20 აპრილიდან დაიწყებს. კერძოდ კი, ავიაკომპანია პირდაპირ რეგულარულ რეისებს ამსტერდამი-თბილისი-ამსტერდამის მიმართულებით კვირაში ორჯერ შეასრულებს.