21 დეკემბერს, საქართველოს ყველაზე გავლენიანი ბიზნესგამოცემა Forbes Georgia და საქართველოს ანგელოზი ინვესტორების ქსელი Axel-ი უმასპინძლებს ერთობლივ ღონისძიებას, რომელიც Forbes Under 30-ისა და სტარტაპ ეკოსისტემის წარმომადგენლებს მოუყრის თავს.
ქვეყნის წინაშე მდგარმა რთულმა გამოწვევებმა თავდაპირველად წლის შემაჯამებელი ღონისძიებების გაუქმების რისკი გააჩინა, თუმცა საბოლოოდ გადაწყდა, რომ Under 30-ისა და Axel-ის პლატფორმები ქვეყნის უკეთესი, ევროპული მომავლის მშენებლობისთვის იქნეს გამოყენებული.
წლევანდელი ღონისძიების მიზანია, ხელი შეუწყოს ახალგაზრდა ლიდერებს, ანტრეპრენიორებს, ინვესტორებსა და ინოვატორებს, თავიანთი ძალისხმევა პოზიტიური ცვლილებებისთვის გააერთიანონ.
Forbes Under 30-ის ღონისძიება Axel-ის სივრცეში 14:00 საათზე დაიწყება და დაახლოებით სამ საათს გასტანს, უმასპინძლებს 150-მდე სტუმარს და აერთიანებს საინტერესო გამომსვლელებს, დისკუსიებს მნიშვნელოვან საკითხებზე და ნეთვორქინგის შესაძლებლობას. ღონისძიების დასრულების შემდეგ კი შევხვდებით რუსთაველზე!
ღონისძიების განრიგი:
? 14:00 - 15:00 | მიღება და ნეთვორქინგი
? 15:00 – 15:30 | მისალმება და გახსნა
- წამყვანი: მარია გიორგობიანი - Arena Games-ის თანადამფუძნებელი და Degamefi-ის CEO, ლუკა ლომსაძე - MultiBank Group-ის პროდუქტის მენეჯერი.
- მისასალმებელი სიტყვა: Forbes-ის მთავარი რედაქტორი, შოთა დიღმელაშვილი.
- ლოკაცია: Axel’s Office (ანა პოლიტკოვსკაიას #3, შენობა #13).
? 15:40 – 16:10 | პანელური დისკუსია
- თემა: წინააღმდეგობა ბიზნესის თავისუფლებისთვის;
- მოდერატორი: ნინო ეგაძე - მარკეტინგის და სტრატეგიული კომუნიკაციების სპეციალისტი, დიზაინ ინსტიტუტის დამფუძნებელი;
- პანელის მონაწილეები: ნანა დიხამინჯია - ალტე უნივერსიტეტის ციფრული ტრანსფორმაციის ცენტრის დირექტორი, თინა სტამბოლიშვილი - ვენის სადაზღვევო ჯგუფის კომუნიკაციების დირექტორი, ელენე ჯღარკავა - კავკასიის ბიზნესის სკოლის დეკანი.
? 16:10 - 16:25 | შესვენება
? 16:25 - 16:40 | ტექნოლოგიური სტარტაპების სიის წარდგენა, დაჯილდოება და 4 გამარჯვებული სტარტაპის პრეზენტაცია
- წამყვანი: ირო ცაგარეიშვილი;
- კატეგორიები:
- ტოპ-10 ტექნოლოგიური სტარტაპი საქართველოდან;
- Best Newcomer 2024 Award;
- Global Expansion Award;
- Spirit of Resilience Award.
? 16:40 - 17:10 | პანელური დისკუსია
- თემა: Agile პროტესტი;
- მოდერატორი: ირო ცაგარეიშვილი, Axel-ის მმართველი დირექტორი;
- პანელის მონაწილეები: გიორგი ჩუგოშვილი - Phubber-ისა და Free Business-ის თანადამფუძნებელი, ნათია ზავრაშვილი - Amazon EU-ს ბიზნესის განვითარების მენეჯერი და Happy EU Year პროექტის ავტორი, გივი ბერიძე - KLIPY-ის თანადამფუძნებელი და CEO, მარიკა აბულაძე - Upway-ის თანადამფუძნებელი და მარკეტინგის სპეციალისტი.
? 17:10 – 17:40 | Under 30-ის დაჯილდოება
- წამყვანი: შოთა დიღმელაშვილი;
- კატეგორიები:
- ანტრეპრენიორები და მეწარმეები;
- ტექნოლოგიები და ელექტრონული კომერცია;
- ფინანსები;
- განათლება და მეცნიერება;
- ხელოვნება და სტილი;
- სპორტი;
- Forbes Georgia-ს რჩეული.
